सोमवार दिनांक 29/1/2024 रोजी तृणधान्य जनजागरण प्रदर्शन भरविण्यात आले. या कार्यक्रमाचे उद्घाटन आपल्याच प्रशालेचे माजी विद्यार्थी श्री. निखिल जोशी (1997 च्या बॅचचे ) आणि जेडब्ल्यू कन्सल्टन्सी चे संचालक यांच्या हस्ते करण्यात आले. याप्रसंगी शाला समितीचे महामात्र श्री. सुधीर गाडे, शिक्षण प्रबोधिनीचे उपसंचालक श्री.केदार तापीकर तसेच बालशिक्षण मंदिर भांडारकर रोड प्रशालेच्या मा. मुख्याध्यापिका चव्हाण मॅडम उपस्थित होत्या.
याप्रसंगी अन्नपूर्णा देवीचे पूजन करून मिलेट गीताने प्रमुख पाहुण्यांचे स्वागत झाले. तसेच चहापानात देखील तृणधान्यांचा समावेश असलेला नाष्टा देण्यात आला. नाचणी, ज्वारी, बाजरी, वरई, राजगिरा अशा तृणधान्यांनी सजलेले हे प्रदर्शन खूपच देखणे होते. इयत्ता पाचवी ते दहावीतील सर्व विद्यार्थ्यांनी या प्रदर्शनात आपापल्या धान्याविषयी माहिती विस्तृत स्वरूपात आलेल्या पाहुण्यांना सांगितली. तसेच शिक्षक, पालक यांनी विविध तृणधान्यांपासून बनलेले पदार्थ विक्रीसाठी व प्रदर्शनामध्ये ठेवलेले होते. याप्रसंगी विविध वृत्तपत्रांचे पत्रकार देखील उपस्थित होते. तसेच उद्घाटनाच्या वेळी ज्युनिअर कॉलेजच्या विद्यार्थी विद्यार्थिनींनी तृणधान्यावर आधारित मिलेट क्रांती नावाचे पथनाट्य सादर केले. परिसरातील शाळेच्या विद्यार्थ्यांना हे प्रदर्शन पाहण्यासाठी 2 दिवस खुले ठेवण्यात येणार आहे.