महाराष्ट्र एज्युकेशन सोसायटीच्या सौ. विमलाबाई गरवारे माध्यमिक व उच्च माध्यमिक विद्यालयात जागतिक महिला दिनानिमित्त ‘स्त्रीशक्ती सन्मान’ सोहळा उत्साहात पार पडला. प्रशालेतील पुरुष शिक्षक व शिक्षकेतर कर्मचाऱ्यांनी पुढाकार घेत महिला सहकाऱ्यांचा सन्मान करून त्यांच्याप्रती कृतज्ञता व्यक्त केली.
या प्रसंगी माजी विद्यार्थिनी निवृत्त अधिकारी श्रीमती भूषणा करंदीकर, उद्योजिका श्रीमती ऋचा वाटवे, कथ्थक नृत्यांगना श्रीमती आभा वांबूरकर आणि व्हायोलिन वादक श्रीमती चारुशीला देव यांचा विशेष सत्कार करण्यात आला. श्रीमती करंदीकर यांनी आपल्या मनोगतात शाळेतील शिक्षण आणि संस्कारांमुळे जीवनातील आव्हानांना सामोरे जाण्याचे बळ मिळाले, असे सांगितले.
मुख्याध्यापक श्री रोहिदास भारमळ यांच्या प्रास्ताविकात महिला सहकाऱ्यांच्या योगदानाचे महत्त्व अधोरेखित केले गेले. कार्यक्रमाचे अध्यक्ष शाळेचे महामात्र डॉ. निर्भय पिंपळे यांनी महिलांचा सन्मान, समान संधी आणि प्रोत्साहन हे समाजाच्या प्रगतीसाठी अत्यावश्यक असल्याचे सांगितले.
या कार्यक्रमाच्या यशस्वी आयोजनासाठी मुख्याध्यापक श्री रोहिदास भारमळ यांच्यासह शिक्षक श्री प्रवीण भोईटे, श्री सुनील जोशी, श्री सोमनाथ भोये, श्री गणेश हिले, श्री योगेशचंद्र देवळालकर, श्री अनंत कुलकर्णी, श्री राजेंद्र पावरा, श्री प्रभय्या हंद्राळमठ, श्री धनराज प्रजापती आणि शिक्षकेतर कर्मचारी श्री अतुल सरडे, श्री लौकिक वांजळे, श्री भीम कोंढाळकर, श्री पंडित महाले, श्री सागर फाजगे, श्री गणेश फडकले यांच्या सक्रिय सहभागामुळे हा कार्यक्रम उत्साहात आणि यशस्वीरीत्या पार पडला.

https://youtu.be/kIwrQvtSgBs

महाराष्ट् एज्युकेशन सोसायटी संचलित सौ. विमलाबाई गरवारे प्रशाला येथे दिनांक ७ फेब्रुवारी २०२६ वार शनिवार रोजी जागतिक महिला दिनाच्या निमित्ताने गणित प्रयोगशाळेच्या उद्घघाटन कार्यक्रमाचे आयोजन करण्यात आले.

कार्यक्रमाची सुरुवात मान्यवरांच्या हस्ते प्रतिमा पूजन व दीपप्रज्वलनाने करण्यात आली. त्यानंतर विद्यार्थ्यांनी सुंदर स्वागतगीत सादर करून उपस्थित मान्यवरांचे स्वागत केले. कार्यक्रमाचे अध्यक्ष म्हणून प्रशालेचे माजी विद्यार्थी एअर मार्शल (निवृत्त) भूषणजी गोखले उपस्थित होते. तसेच कार्यक्रमासाठी प्रमुख पाहुण्या म्हणून श्रीमती ताटके दिपा व श्रीमती मृदुला पायगुडे उपस्थित होत्या.

यावेळी महाराष्ट् एज्युकेशन सोसायटीचे सचिव डॉ.श्री. अतुल कुलकर्णी, प्रशालेचे महामात्र डॉ. निर्भय पिंपळे, महाराष्ट् एज्युकेशन सोसायटी नियामक मंडळ सदस्य श्री राहुल मिरासदार, महाराष्ट् एज्युकेशन सोसायटी चे कार्यकारी अधिकारी श्री सचिन आंबर्डेकर मुख्याध्यापक श्री. रोहिदास भारमळ, उपमुख्याध्यापिका सौ. सुनीता गायकवाड, पर्यवेक्षिका सौ. जयश्री शिंदे, तसेच सर्व शिक्षक व शिक्षकेतर कर्मचारी मोठ्या संख्येने उपस्थित होते.

कार्यक्रमाचे प्रास्ताविक मुख्याध्यापक श्री. रोहिदास भारमळ सर यांनी केले. त्यांनी गणित प्रयोगशाळेचे महत्त्व स्पष्ट करताना विद्यार्थ्यांना प्रत्यक्ष कृतीतून गणित शिकण्याची ही उत्तम संधी असल्याचे सांगितले.

यानंतर सौ. मेघना देशपांडे मॅडम यांनी मान्यवरांचा परिचय करून देत त्यांचे स्वागत केले. कार्यक्रमात प्रमुख पाहुण्यांनी आपल्या मनोगतात विद्यार्थ्यांना गणित विषयाची भीती न बाळगता प्रयोगशाळेच्या माध्यमातून गणित अधिक सोपे व रंजक बनवावे, असा मौल्यवान सल्ला दिला.

कार्यक्रमाचे अध्यक्ष एअर मार्शल भूषणजी गोखले यांनी आपल्या अध्यक्षीय मनोगतात विद्यार्थ्यांनी जिज्ञासू वृत्ती ठेवून अभ्यासात प्रगती करावी तसेच गणित प्रयोगशाळेचा जास्तीत जास्त उपयोग करावा, असे मार्गदर्शन केले.

कार्यक्रमाचे सूत्रसंचालन प्रशालेच्या शिक्षिका श्रीमती. लता टिळेकर यांनी केले व उपस्थित त्यांचे आभार मानले.
या कार्यक्रमामुळे विद्यार्थ्यांमध्ये गणित विषयाविषयी आवड निर्माण होऊन प्रयोगातून शिक्षण घेण्याची प्रेरणा मिळाली.

https://youtu.be/2GSn9IO2iVg

महाराष्ट्र एज्युकेशन सोसायटीच्या सौ. विमलाबाई गरवारे माध्यमिक व उच्च माध्यमिक प्रशालेत प्रजासत्ताक दिनाचा समारंभ अत्यंत उत्साहपूर्ण व राष्ट्रीय अभिमानाच्या वातावरणात साजरा करण्यात आला. कार्यक्रमाच्या प्रमुख पाहुण्या सौ. भारती कुंभार मॅडम यांनी विद्यार्थ्यांना मार्गदर्शनपर संदेश दिला. प्रमुख पाहुणे श्री. मोहन व्यंकटेश माडगूळकर यांनी *मराठी शाळेतील शिक्षणाचा अभिमान बाळगण्याचा संदेश दिला. तसेच कर्कश हॉर्न न वाजवण्याचे आवाहन करत पालकांनी मुलांना वेळ देण्याचे महत्त्व अधोरेखित केले. कार्यक्रमाचे अध्यक्ष शाला समिती अध्यक्ष श्री. अजय पुरोहित सर यांनी* “भारत माझा देश आहे” या भावनेचा विसर पडू नये व आपण विकसित भारताच्या दिशेने वाटचाल करत आहोत, याची जाणीव ठेवावी, असे प्रेरणादायी विचार मांडले. सन 2007 सालच्या बॅचचे माजी विद्यार्थी श्री. राहुल बोराटे यांनी आपल्या आई-वडिलांच्या स्मरणार्थ विशेष योगदान देत विद्यार्थ्यांना *शैक्षणिक साहित्याचे वाटप केले. इयत्ता पाचवी ते सातवीच्या विद्यार्थ्यांनी साधन कवायत, तर एनसीसीच्या विद्यार्थ्यांनी आपत्कालीन परिस्थितीत जखमी जवानांना सुरक्षित ठिकाणी नेण्याचे प्रात्यक्षिक सादर केले. ज्युनिअर कॉलेजच्या विद्यार्थिनींनी लेझीम पथकाचे सादरीकरण करून कार्यक्रमात रंगत भरली.

https://youtu.be/I8gXbZBF8aQ

https://youtu.be/I8gXbZBF8aQ

महाराष्ट्र एज्युकेशन सोसायटीच्या सौ. विमलाबाई गरवारे माध्यमिक व उच्च माध्यमिक प्रशालेत *दिनांक 18 जानेवारी 2026, रविवार रोजी वार्षिक पारितोषिक वितरण समारंभ व कै. पद्मभूषण आबासाहेब गरवारे यांच्या स्मृतिप्रीत्यर्थ उद्योजकता मुलाखत समारंभ अत्यंत उत्साहपूर्ण व प्रेरणादायी वातावरणात संपन्न झाला. कै. पद्मभूषण आबासाहेब गरवारे यांच्या स्मृतिप्रीत्यर्थ दरवर्षीप्रमाणे याही वर्षी उद्योजकता मुलाखत आयोजित करण्यात आली. यावर्षी प्रशालेचे माजी विद्यार्थी व यशस्वी उद्योजक श्री. सुहास मंत्री यांच्या मुलाखतीद्वारे विद्यार्थी ते यशस्वी उद्योजक हा प्रेरणादायी प्रवास उलगडून दाखविण्यात आला. त्यांच्या अनुभवकथनातून विद्यार्थ्यांना उच्च शिक्षण घेण्याची तसेच उद्योजकतेकडे वळण्याची प्रेरणा मिळाली. कार्यक्रमाचे प्रमुख पाहुणे 1980 च्या बॅचचे माजी विद्यार्थी व प्रसिद्ध उद्योजक श्री. सुहास मंत्री यांनी विद्यार्थ्यांना मार्गदर्शन करताना अत्यंत प्रेरणादायी विचार मांडले. त्यांनी सांगितले की, विद्यार्थ्यांनी आयुष्यात चौफेर व्यक्तिमत्त्व घडवावे. जीवन केवळ एकाच भूमिकेत न जगता विविध भूमिका स्वीकारून जगले तरच आयुष्य खऱ्या अर्थाने परिपूर्ण होते. मनुष्याला आयुष्यात उंची गाठायची असेल तर *प्रामाणिकपणा हा त्याचा मूलमंत्र असला पाहिजे.* कोणत्याही परिस्थितीत प्रामाणिकपणाशी तडजोड करू नये, असे आवर्जून त्यांनी सांगितले. तसेच विद्यार्थ्यांनी आपल्या जीवनात शाळेने दिलेले संस्कार आणि आईचे उपकार कधीही विसरू नयेत, असा मोलाचा संदेश दिला. यशस्वी होण्यासाठी केवळ स्वतःचा विचार न करता *इतरांच्या जीवनात आनंद निर्माण करण्याची भावना जोपासावी.* अडचणींवर रडत बसण्यापेक्षा त्यातून मार्ग शोधण्याची वृत्ती अंगी बाणवावी. प्रत्येक जबाबदारी स्वीकारून धैर्याने पुढे गेले तर यश निश्चित मिळते, असा आत्मविश्वास त्यांनी विद्यार्थ्यांमध्ये निर्माण केले*व्यापक दृष्टीकोन ठेवण्याचा, नेतृत्वगुण विकसित करण्याचा व सातत्याने प्रयत्नशील रहने का संदेश दिला गुणवंत विद्यार्थ्यांचे त्यांनी मनःपूर्वक अभिनंदन केले. कार्यक्रमाचे अध्यक्ष व शाला समिति अध्यक्ष मा. श्री. अजय पुरोहित सर यांनी आपल्या अध्यक्षीय भाषणात यशस्वी उद्योजकांच्या गुणवैशिष्ट्यांपासून प्रेरणा घेऊन विद्यार्थ्यांनी आपले ध्येय निश्चित करावे असे सांगितले.

https://youtu.be/WY95bvLtmlM

महाराष्ट्र एज्युकेशन सोसायटीच्या सौ. विमलाबाई गरवारे माध्यमिक व उच्च माध्यमिक प्रशालेत *दिनांक 17 जानेवारी २०२६, वार शनिवार* रोजी प्रशालेच्या मैदानावर *वार्षिक स्नेहसंमेलन* मोठ्या उत्साहात, आनंदात व जल्लोषात पार पडले.

या वर्षीच्या स्नेहसंमेलनाचा विषय “भारतीय सण आणि उत्सव” असा होता. या विषयानुसार विद्यार्थ्यांनी विविध गुणदर्शन कार्यक्रम सादर करून प्रेक्षकांची मने जिंकली. कार्यक्रमात *सांघिक नृत्य, सोलो नृत्य, नाट्यप्रयोग तसेच ‘मूल्य जपणे’ या विषयावर आधारित नाटक* सादर करण्यात आले. प्रत्येक सादरीकरणातून भारतीय संस्कृतीतील सण-उत्सवांचे महत्व, परंपरा आणि सामाजिक मूल्ये प्रभावीपणे मांडण्यात आली.

स्नेहसंमेलन हे विद्यार्थ्यांच्या *कलागुणांना वाव देणारे उत्तम व्यासपीठ* असल्याचे या कार्यक्रमातून प्रकर्षाने जाणवले. विद्यार्थ्यांनी आत्मविश्वासाने सहभाग घेत आपली कला सादर केली.
या कार्यक्रमाला प्रशालेचे *महामात्र डॉ. निर्भय पिंपळे सर,*मुख्याध्यापक श्री. रोहिदास भारमळ सर, उपमुख्याध्यापिका सुनीता गायकवाड मॅडम,पर्यवेक्षिका सौ. जयश्री शिंदे मॅडम शिक्षक शिक्षकेतर कर्मचारी, पालक , माजी विद्यार्थी तसेच प्रशालेचे सर्व विद्यार्थी मोठ्या संख्येने उपस्थित होते.

महाराष्ट्र एज्युकेशन सोसायटीच्या
*सौ. विमलाबाई गरवारे माध्यमिक व उच्च माध्यमिक प्रशाला, पुणे*येथे
“सृजनाला पंख नवे – अंतर्गत अभ्यासोनी प्रकटावे”या संकल्पनेअंतर्गत
*दिनांक १३ जानेवारी २०२६, मंगळवार* रोजी शैक्षणिक प्रदर्शनाचे आयोजन मोठ्या उत्साहात करण्यात आले.
या शैक्षणिक प्रदर्शनाचा मुख्य उद्देश विद्यार्थ्यांच्या सुप्त कलागुणांना वाव देणे, त्यांच्या सर्जनशीलतेला चालना देणे तसेच पाठ्यपुस्तकातील ज्ञान प्रत्यक्ष कृती, प्रयोग व सादरीकरणातून प्रभावीपणे मांडणे हा होता.
या कार्यक्रमासाठी प्रशालेचे प्रसिद्ध बांधकाम व्यवसायिक व *१९९१ बॅचचे माजी विद्यार्थी श्री. राजेंद्र बुट्टे पाटील* हे *प्रमुख पाहुणे* म्हणून लाभले. कार्यक्रमाचे *प्रास्ताविक* प्रशालेचे माननीय *मुख्याध्यापक श्री. रोहिदास भारमळ सर* यांनी केले. त्यांनी शैक्षणिक प्रदर्शनामागील संकल्पना, नियोजन व विद्यार्थ्यांच्या सक्रिय सहभागाचे महत्त्व विशद केले.

प्रमुख पाहुण्यांचा *परिचय* प्रशालेच्या शिक्षिका *भारती कुंभार मॅडम* यांनी करून दिला. आपल्या मनोगतात प्रमुख पाहुणे श्री. राजेंद्र बुट्टे पाटील यांनी शाळेने दिलेले संस्कार आजही मनात घट्ट रुजले असल्याचे सांगितले. विद्यार्थ्यांमध्ये स्वतःचे प्रतिबिंब दिसत असल्याची भावना त्यांनी व्यक्त केली. शाळेतील संस्कार, शिक्षकांचे मार्गदर्शन आणि शिस्त यामुळेच जीवनात यशाची पायरी गाठू शकलो, असे त्यांनी नमूद केले व सर्व शिक्षकांचे मनःपूर्वक आभार मानले.

कार्यक्रमाचे *अध्यक्ष* प्रशालेचे महामात्र *डॉ. निर्भय पिंपळे सर* होते. त्यांनी विद्यार्थ्यांच्या कल्पकतेचे, सादरीकरण कौशल्याचे व परिश्रमाचे विशेष कौतुक केले. तसेच विद्यार्थ्यांना घडविणाऱ्या शिक्षकांचेही अभिनंदन करून विद्यार्थ्यांना उज्ज्वल भविष्यासाठी शुभेच्छा दिल्या.

या शैक्षणिक प्रदर्शनामध्ये *मराठी, हिंदी, इंग्रजी, इतिहास, भूगोल, शारीरिक शिक्षण, संगणक व पर्यावरण* या सर्व विषयांचे *स्टॉल, मॉडेल्स, चार्ट व प्रतिकृती* विद्यार्थ्यांनी अतिशय आकर्षक पद्धतीने मांडल्या होत्या. यासोबतच *विज्ञान प्रदर्शन, गणित प्रदर्शन व ग्रंथालय प्रदर्शन* ही विशेष आकर्षणे यावेळी भरविण्यात आली होती.

प्रदर्शनादरम्यान झाडांना लावलेले QR कोडचे उद्घाटन प्रमुख पाहुण्यांच्या हस्ते* करण्यात आले. या QR कोडच्या माध्यमातून विद्यार्थ्यांना आपल्या मोबाईलच्या माध्यमातून झाडांची माहिती व त्यांचे महत्त्व व पर्यावरणीय उपयुक्तता सहजपणे विद्यार्थ्यांना पाहता येईल .
कार्यक्रमाला प्रमुख पाहुणे १९९१ च्या बॅचचे प्रशालेचे माजी विद्यार्थी श्री .राजेंद्र बुट्टे पाटील
प्रशालेचे महामात्र डॉ.निर्भय पिंपळे सर ,प्रशालाचे मुख्याध्यापक श्री. रोहिदास भारमळ सर, प्रशालेच्या उपमुख्याध्यापिका सौ.सुनीता गायकवाड मॅडम, पर्यवेक्षिका सौ.जयश्री शिंदे मॅडम, समाजसेविका रेणू गावस्कर ,उजळंबकर सर,प्रशालेचे सर्व शिक्षक, विद्यार्थी, व शिक्षकेतर कर्मचारी उपस्थित होते.

https://www.youtube.com/watch?v=ChnhjuHL918

सौ विमलाबाई गरवारे प्रशालेत महाराष्ट्र एज्युकेशन सोसायटीचा 165 वा वर्धापन दिन उत्साहात साजरा.

संस्था वर्धापन दिनाचे औचित्य साधून बुधवार दिनांक 19 नोव्हेंबर 2025 रोजी संस्था वर्धापन दिन प्रशालेत उत्साहात साजरा करण्यात आला. आज संस्थेला 165 वर्ष पूर्ण झाली त्यानिमित्ताने अगदी छोटासा पण छान कार्यक्रम प्रशालेत आयोजित करण्यात आला. कार्यक्रमाचे प्रमुख पाहुणे 1984 सालातील बॅचचे माजी विद्यार्थी श्रीयुत नितीन आपटे सर कार्यक्रमाला प्रमुख पाहुणे म्हणून उपस्थित होते. माननीय मुख्याध्यापक श्री भारमळ सर यांनी कार्यक्रमाचे प्रास्ताविक केले. त्यानंतर प्रमुख पाहुण्यांचा परिचय श्रीमती मेघना देशपांडे मॅडम यांनी करून दिला. शाळा समिती अध्यक्ष माननीय श्रीयुत पुरोहित सर यांच्या हस्ते प्रमुख पाहुण्यांचे स्वागत करण्यात आले.
महाराष्ट्र एज्युकेशन सोसायटी बद्दल सविस्तर माहिती श्रीमती कांता इष्टे मॅडम यांनी सांगितली. त्यानंतर यावर्षीचे आपल्या संस्थेचे प्रेरणा गीत समाज जीवन भारून टाकू चैतन्याने सर्वांनी ऐकले. त्यानंतर कार्यक्रमाचे प्रमुख पाहुणे माननीय श्रीयुत नितीन आपटे यांनी आपले मनोगत व्यक्त केले त्यांचा शाळेबद्दलचा जिव्हाळा त्यांच्या बोलण्यातून जाणवत होता. आजही शाळा तितकीच सुंदर आणि स्वच्छ आहे. विकसनशील भारताकडून विकसित भारताकडे जाणारी ही विद्यार्थ्यांची सक्षम पिढी घडविण्यासाठी शिक्षकांना शुभेच्छा दिल्या.
आजच्या कार्यक्रमाचे अध्यक्ष व शाळा समिती अध्यक्ष माननीय श्रीयुत पुरोहित सर यांनी सर्वांशी संवाद साधत अजूनही आपल्याला खूप काही शाळेसाठी करायचे आहे. त्यासाठी शाळेने शाळेसाठी व विद्यार्थ्यांच्या प्रगतीसाठी विविध उपक्रम राबवणे आवश्यक आहे असे सांगितले.
कार्यक्रमाचा समारोप उपस्थित मान्यवर व शिक्षक वृंद, शिक्षकेतर कर्मचारी यांचे आभार मानून करण्यात आला.

जिल्हास्तरीय विज्ञान प्रदर्शन दिनांक 13 नोव्हेंबर 2025 ते 15 नोव्हेंबर 2025 या कालावधीत संपन्न झाले.  यावेळी आपल्या प्रशालेतील विद्यार्थी मंथन दिनेश धावडसकर इयत्ता दहावी तोरणा या विद्यार्थ्याच्या मॉडेलची जिल्हास्तरीय प्रदर्शनातून राज्यस्तरीय प्रदर्शनासाठी निवड झाली आहे..... याप्रसंगी उपशिक्षण अधिकारी श्री विराज खराटे सर यांच्या हस्ते प्रमाणपत्र आणि ट्रॉफी देऊन मंथनचा सत्कार करण्यात आला.
Remote control door lock हा मंथन चा प्रोजेक्ट असून त्याची राज्यस्तरावर निवड झाली आहे ही प्रशालेसाठी अत्यंत गौरवाची बाब आहे.  💐💐

म.ए.सो. चे सौ. विमलाबाई गरवारे माध्यमिक व उच्च माध्यमिक विद्यालय, पुणे – ४
*सहआयोजक:* दक्षिण मध्य क्षेत्र सांस्कृतिक केंद्र, नागपूर – संस्कृति मंत्रालय, भारत सरकार
"कला को जानो" मालिके अंतर्गत – सृजन झाबुआ बाहुली व चेरियल मुखवटा निर्मिती कार्यशाळा
*दिनांक: 15 ते 20 सप्टेंबर 2025
संस्कृति मंत्रालय, भारत सरकार आणि महाराष्ट्र एज्युकेशन सोसायटी यांच्या संयुक्त विद्यमाने “कला को जानो” या मालिकेअंतर्गत विविध पारंपरिक कला विद्यार्थ्यांपर्यंत पोहोचविण्यासाठी उपक्रम राबविले जात आहेत. त्याचाच एक भाग म्हणून *झाबुआ बाहुली व चेरियल मुखवटा निर्मिती कार्यशाळा* आयोजित करण्यात आली.

*कार्यशाळेचा मुख्य उद्देश म्हणजे
विद्यार्थ्यांना भारतातील लोककला, हस्तकला आणि परंपरागत शिल्पकलेचे ज्ञान देणे.
* कला आणि सृजनशीलतेला प्रोत्साहन देणे.
* पारंपरिक कलाकारांशी थेट संवाद साधण्याची संधी उपलब्ध करून देणे.
* विद्यार्थ्यांमध्ये कौशल्यविकास व टीमवर्कची जाणीव निर्माण करणे.

कार्यक्रमाचे आयोजन
दिनांक 15 सप्टेंबर 2025 रोजी दुपारी 12 वाजता कार्यशाळेचे उद्घाटन करण्यात आले.

1. *झाबुआ बाहुली निर्मिती (मध्यप्रदेशातील आदिवासी कला):*
कलाकारांनी आपल्या कलेचा इतिहास, महत्त्व व जतनाची गरज यावर संवाद साधला.
संस्थेचे आजीव सदस्य व क्रीडावर्धिनीचे समन्वयक अध्यक्ष श्री विजय भालेराव सरांनी विद्यार्थ्यांना प्रोत्साहन दिले व या कला यांचे जतन आणि संवर्धन करण्यासाठी आम्ही सदैव प्रयत्नशील राहो असे आश्वासन कलाकारांना दिले.
कार्यक्रमाला प्रमुख पाहुणे
श्री .दीपक कुलकर्णी असिस्टंट डायरेक्टर साऊथ सेंटर कल्चरल सेंटर नागपूर ,सांस्कृतिक प्रशासन भारत सरकार सांस्कृतिक प्रशासन भारत सरकार
म. ए. सो. नियामक मंडळ सदस्य व श्री विजय भालेराव, महाराष्ट्र एज्युकेशन सोसायटीचे सचिव श्री .अतुल कुलकर्णी सर , प्रशालेचे महामात्र डॉ .निर्भय पिंपळे सर ,
बाल शिक्षण मंदिर इंग्रजी माध्यमचे महामात्र डॉ.नेहा देशपांडे मॅडम बालशिक्षण मंदिर इंग्लिश मीडियम स्कूलच्या मुख्याध्यापिका सौ आदिती कुलकर्णी प्रशालेचे मुख्याध्यापक श्री. रोहिदास भारमळ , उपमुख्याध्यापिका सुनीता गायकवाड मॅडम , कार्यशाळेच्या समन्वय
मा.प्रगती महाजनवार तेलंगणा व मध्य प्रदेशातून आलेले कलाकार उपस्थित सर्व शिक्षक ,शिक्षकेतर कर्मचारी उपस्थित होते.

https://youtu.be/utdQOaK23Mo

रविवार दिनांक 17/ 8/ 25 रोजी आपल्या प्रशालेतील इयत्ता सहावी आणि सातवीच्या विद्यार्थ्यांनी आज नवीन मराठी शाळा, शनिवार पेठ, पुणे या ठिकाणी पोवाडा स्पर्धेत अतिशय उत्तम पोवाडा सादरीकरण केले.

या स्पर्धेमध्ये म.ए. सो सौ विमलाबाई गरवारे प्रशालेने तृतीय क्रमांक पटकावला आहे.

पोवाडा पाहण्यासाठी येथे क्लिक करा. 

मएसो  सौ. विमलाबाई गरवारे प्रशालेत आंतरराष्ट्रीय योग दिन साजरा

                   कार्यक्रमाची सुरुवात प्रशालेचे मुख्याध्यापक श्री. भारमळ सर यांच्या प्रास्ताविकाने झाली. त्यांनी जीवनातील योगाचे महत्त्व सांगितले . प्रशालेचे क्रीडा शिक्षक श्री . गणेश हिले सर यांनी आंतरराष्ट्रीय योग दिनाची माहिती दिली. प्रमुख पाहुणे म्हणून मयूर भावे सर उपस्थित होते. त्यांच्या सोबत त्यांच्या टीमनेही सहभाग घेतला.

                   श्री .मयूर भावे सर गेली १५ वर्षे स्वतः योगासने करत आहेत व मागील १० वर्षांपासून योग प्रशिक्षण देत आहेत. त्यांनी सिमेन्स कंपनीमधून स्वेच्छानिवृत्ती घेतल्यानंतर पूर्णवेळ योग आणि पर्यावरण क्षेत्रात कार्य करायचे ठरवले आहे. त्यांनी योग विद्या गुरुकुल, नाशिक येथून योग शिक्षक, योग प्रवीण, योग अध्यापक, योगा थेरेपिस्ट, YCB II हे अभ्यासक्रम पूर्ण केले आहेत. सध्या ते ऑनलाइन आणि प्रत्यक्ष दोन्ही प्रकारे वर्ग घेतात. कार्यक्रमात भावे सरांनी सूर्यनमस्कार, उभी व बैठी आसने, ताडासन ,वृक्षासन ,शशांकासनआणि योगधारणेची प्रात्यक्षिके करून दाखवली.

कार्यक्रमाला प्रशालेचे महामात्र डॉ .निर्भय पिंपळे सर,मुख्याध्यापक श्री .रोहिदास भारमळ सर, उपमुख्याध्यापिका सौ . खिरीड मॅडम, सन 1987 सालच्या बॅचचे माजी विद्यार्थी श्री .मयूर भावे सर व त्यांची टीम उपस्थित होते .

मएसो सौ. विमलाबाई गरवारे प्रशालेत रोबोटिक्स प्रयोगशाळेचे उद्घाटन

हस्ते: Anneleen Drieskens,(अनेलिन ड्रिस्केन्स)

         Chief Human Resources Officer at Envalior

              महाराष्ट्र एज्युकेशन सोसायटीच्या सौ. विमलाबाई गरवारे प्रशालेत आज प्रजासत्ताक दिन उत्साहपूर्ण वातावरणात साजरा आणि राष्ट्रीय अभिमानाने साजरा करण्यात आला. याप्रसंगी शाळेतील विद्यार्थी, शिक्षक, शालेय पदाधिकारी, शिक्षकेतर कर्मचारी पालक आणि माजी विद्यार्थी यांच्यासह अनेक मान्यवर उपस्थित होते. कार्यक्रमाच्या सुरुवातीला शाळेच्या NCC पथकाने सलामी आणि मानवंदना देऊन प्रमुख पाहुण्यांचे स्वागत केले, ज्यामध्ये आंतरराष्ट्रीय बॅडमिंटन पंच श्री. सुदीप बर्वे आणि महाराष्ट्र एज्युकेशन सोसायटीचे नियामक मंडळाचे सदस्य श्री. राहुल मिरासदार उपस्थित होते.

              श्री. सुदीप बर्वे यांनी विद्यार्थ्यांना प्रेरणा देत म्हटले, "शाळेने घडवलेले माजी विद्यार्थी आज विविध क्षेत्रांत उत्कृष्ट काम करत आहेत. आज तुमच्यासाठी विविध क्षेत्र करियर साठी खुली आहेत.तुम्ही शाळेच्या वारसाचे पालन करून, गुरुजनांचे योग्य मार्गदर्शन घेऊन आपल्या क्षेत्रात सर्वोच्च शिखर गाठा."

             श्री. राहुल मिरासदार यांनी विद्यार्थ्यांना चांगले नागरिक चांगल्या गोष्टीचा अवलंब करण्याचे आवाहन केले."चांगले नागरिक होण्यासाठी फक्त शिक्षणच नाही, तर समाजातील सकारात्मक बदल घडवण्यासाठी तुम्हाला प्रयत्न करणे आवश्यक आहे."असे ते म्हणाले.

               कार्यक्रमाचे मुख्य आकर्षण म्हणजे ज्येष्ठ शिक्षिका सौ. रागिनी भालेराव आणि ज्येष्ठ सेवक श्री. विजय नाईक यांच्या हस्ते ध्वजारोहण करण्यात आले. सौ. रागिनी भालेराव यांनी संविधानाच्या मूल्यांचा आदर करत समतेच्या दृष्टीकोनातून समाज निर्माण करण्याचे महत्त्व अधोरेखित केले.

             NCC पथकाने उत्कृष्ट संचलन तर घोष पथकाने उत्कृष्ट प्रात्यक्षिक सादर करून उपस्थितांचे लक्ष वेधून घेतले. या संचलन आणि प्रात्यक्षिकातून राष्ट्रीय एकतेचा, विविधतेतील एकतेचा आणि एकात्मतेचा प्रभावी संदेश दिला.

हा समारंभ विद्यार्थ्यांमध्ये राष्ट्रप्रेम आणि कर्तव्याची जाणीव निर्माण करणारा ठरला.

💐💐आनंदाची बातमी!💐💐

महाराष्ट्र एजयुकेशन सोसायटीची सौ. विमलाबाई गरवारे प्रशाला ठरली औंध क्लस्टर विभागात अव्वल

पुणे जिल्हा माध्यमिक व उच्च माध्यमिक शाळा मुख्याध्यापक संघ आणि पुणे जिल्हा परिषद माध्यमिक शिक्षण विभाग यांच्या संयुक्त विद्यमाने आयोजित गुणवत्ता संवर्धन अभियान 2024-25 मध्ये सौ. विमलाबाई गरवारे प्रशालेने औंध क्लस्टर विभागात तालुकास्तरावर प्रथम क्रमांक पटकावला आहे.

दिनांक 13 जानेवारी 2025 रोजी झालेल्या शालेय तपासणीत विविध क्षेत्रांमध्ये शाळेने उत्कृष्ट कामगिरी केली. भौतिक सुविधा, प्रशासन, शैक्षणिक अध्ययन-अध्यापन प्रक्रिया, शालेय विभाग व्यवस्थापन, गुणवत्ता संवर्धन आणि विशेष उपक्रम या सर्व मापदंडांमध्ये शाळेने उच्च गुण प्राप्त केले.
शाळेच्या या यशस्वी कामगिरीमागे शिक्षक, शिक्षकेतर कर्मचारी, शालेय व संस्था पदाधिकारी, माजी विद्यार्थी आणि पालक या सर्व घटकांचे योगदान महत्त्वपूर्ण ठरले आहे. या यशामुळे शाळेच्या शैक्षणिक गुणवत्तेची ओळख पुन्हा एकदा अधोरेखित झाली आहे.

या यशाबद्दल शाळेचे मुख्याध्यापक श्री. रोहिदास भारमळ म्हणाले, "हे यश सामूहिक प्रयत्नांचे फळ आहे. आमच्या शाळेतील प्रत्येक घटकाने केलेल्या अथक परिश्रमांचे हे प्रतिबिंब आहे. आम्ही यापुढेही विद्यार्थ्यांच्या सर्वांगीण विकासासाठी कटिबद्ध राहू."
शालासमिती अध्यक्ष मा.श्री. अजय पुरोहित व महामात्र श्री.निर्भय पिंपळे यांनी शाळेच्या कार्याबद्दल दिलेल्या संदेशात म्हणाले, "सौ. विमलाबाई गरवारे प्रशालेच्या या यशासाठी मी शाळेतील सर्व घटकांचे, विशेषतः शिक्षकवर्ग, शिक्षकेतर कर्मचारी, पालक आणि माजी विद्यार्थ्यांचे आभार मानतो. हे यश आम्ही मिळवले ते सर्वांच्या सामूहिक प्रयत्नांनी आणि अथक परिश्रमांनी. शाळेने विद्यार्थ्यांच्या सर्वांगीण विकासासाठी उत्कृष्ट कार्य केले आहे. शाळेची शैक्षणिक गुणवत्ता केवळ शाळेतील कार्यक्षमतेवर आधारित नाही, तर यामध्ये माजी विद्यार्थ्यांचे,पालकांचे, विद्यार्थ्यांचे आणि शाळेतील प्रत्येक व्यक्तीचे योगदान अत्यंत महत्त्वपूर्ण आहे. भविष्यकाळात देखील शाळेचा प्रत्येक घटक विद्यार्थ्यांच्या शारीरिक, मानसिक आणि बौद्धिक विकासासाठी कटिबद्ध राहील."

              दि. 21 डिसेंबर रोजी सौ.विमलाबाई गरवारे प्रशालेत वार्षिक पारितोषिक वितरण समारंभ व उद्योजकता मुलाखत समारंभ संपन्न झाला. वर्षभरातील विविध परीक्षा, विविध स्तरावरील क्रीडा स्पर्धा, बाह्य परीक्षा, तसेच शालांत परीक्षेत उज्ज्वल यश मिळविणाऱ्या विद्यार्थ्यांना पारितोषिक दिली जातात. यामध्ये पद्मभूषण डॉ.आबासाहेब गरवारे स्मृती पारितोषिक पाचवी ते सातवी मधील शेडगे शाल्वी अविनाश आठवी ते दहावी मधील पौळ आकाश कैलास विद्यार्थ्यांना देण्यात आले.
शिक्षकांमध्ये श्री.जगन्नाथ भास्कर देवस्थळे व सौ सिंधू जगन्नाथ देवस्थळे पारितोषिक सौ .शुभदा अभ्यंकर मॅडम, सौ. विद्या गायकवाड मॅडम, सौ. पूनम गिरमे मॅडम तसेच, श्रीमती .ज्योती इनामदार तसेच शिक्षकेतर कर्मचाऱ्यांमध्ये श्री .विजय नाईक यांना देण्यात आले. कै.पद्मभूषण आबासाहेब गरवारे यांच्या स्मृतिप्रीत्यर्थ प्रशालेत दरवर्षो प्रमाणे उद्योजक मुलाखत घेण्यात आली. यावर्षी प्रशालेच्या 2000 सालच्या माजी विद्यार्थीनी व यशस्वी उद्योजिका ऋचा वाटवे यांच्या मुलाखतीच्या माध्यमातून विद्यार्थीनी ते एक यशस्वी उद्योजिका हा प्रवास अलगद उलगडला. विद्यार्थ्यांना यातून उच्चशिक्षण घेण्याची तसेच उद्योजक बनण्याची प्रेरणा मिळाली.

सकाळ तर्फे घेण्यात आलेल्या  स्कूलिंपिक्स आंतरशालेय स्पर्धेत गरवारे प्रशालेला खो-खो  प्रकारात प्रशालेला  ब्राँझ मेडल मिळाले.

आज शाळेत क्रीडा महोत्सवाचे औपचारिक उद्घाटन करण्यात आले. प्रमुख अतिथी म्हणून शाळेचे माजी विद्यार्थी श्री.रवींद्र गोडबोले सर व श्री.अरुण अन्नछत्रे सर यांच्या हस्ते कार्यक्रमाचे उद्घाटन झाले.
या महोत्सवाचे उद्दिष्ट शालेय विद्यार्थ्यांना प्रोत्साहन देणे आणि विविध खेळ प्रकारांत त्यांच्या कौशल्याला वाव देणे असल्याचे मा. मुख्याध्यापक श्री.भारमळ सर यांनी आपल्या प्रास्ताविकात सांगितले. प्रमुख पाहुणे श्री.अरुण अन्नछत्रे सर यांनी खेळाच्या महत्त्वावर भर दिला आणि विद्यार्थ्यांना खेळाकडे गंभीरपणे पाहण्याचे आवाहन केले.
याप्रसंगी इयत्ता पाचवी ते बारावीचे विद्यार्थी, क्रीडा शिक्षक, शिक्षक, स्नेहसंमेलनाचे शिक्षक व शिक्षकेतर प्रतिनिधी, विद्यार्थी प्रतिनिधी आणि सर्व शालेय पदाधिकारी उपस्थित होते.
या क्रीडा महोत्सवात लंगडी, डॉजबॉल, क्रिकेट,रस्सीखेच, थ्रोबॉल,वैयक्तिक 100 मीटर धावणे यासारख्या विविध खेळ प्रकारांचा समावेश असून पुढील ४ दिवस चालणाऱ्या या क्रीडामहोत्सवात खेळाडूंना आपले कौशल्य दाखविण्याची संधी असेल.

दिनांक: 24 डिसेंबर 2024
ठिकाणे: तुळापूर, वाबळेवाडी जिल्हा परिषद शाळा, कोयाळी शाळा

विमलाबाई गरवारे जुनिअर कॉलेज, पुणे 04 तर्फे 24 डिसेंबर 2024 रोजी शैक्षणिक सहल आयोजित करण्यात आली. या सहलीत प्राचार्य, सर्व शिक्षक, शिक्षकेतर कर्मचारी यांनी सहभाग घेतला.

सकाळी 7:00 वाजता महाविद्यालयातून सहलीला सुरुवात झाली. पहिला थांबा तुळापूर येथे होता. येथे छत्रपती श्री संभाजी राजे  यांच्या स्मारकाला भेट देऊन त्यांचा इतिहास जाणून घेतला. नंतर वाबळेवाडी जिल्हा परिषद शाळेला भेट देण्यात आली. विद्यार्थ्यांसोबत संवाद साधत शिक्षणपद्धतीचा आढावा घेतला.

यानंतर कोयाळी शाळेत शिक्षणासंबंधी चर्चा करण्यात आली. शाळेतील शिक्षक व विद्यार्थ्यांशी विविध शैक्षणिक उपक्रमांवर संवाद झाला. शाळेतील परिस्थिती पाहून त्यांच्या जिद्दीचे कौतुक करण्यात आले.

सहलीच्या दरम्यान दुपारी सर्वांनी एकत्र जेवणाचा आस्वाद घेतला. शिक्षणासोबतच सामाजिक जाणिवा विकसित करण्याचा उद्देश साध्य झाला.

संध्याकाळी 5:00 वाजता सहल संपून सर्व सहभागी महाविद्यालयात परतले. ही सहल माहितीपूर्ण, प्रेरणादायी व संस्मरणीय ठरली.